Святло ў доме

Разарваныя хмары месяц упусцілі
І заліла святлом паверхі дамоў,
У мясцовых людзей на святло алергія
Паўтараецца кожную восень Ізноў

Ліхаманкава яркія зоры ўсплылі
Па-над ценню шэрабетонных дамоў,
Жыхары пахавалі галовы ў шыі,
Засталіся тырчаць Толькі шэрагі лбоў

Ачапілі зямлю, ды пад небасхілам
Усю ноч скалыналіся сцены дамоў,
А ўранку, расправіўшы шкляныя крылы,
Паляцелі праз хмары дамы напралом.